कालीकोट– प्रहरीको भ्यानलाई लक्षित गरी बम विस्फोट गर्न खोज्ने एकजना पक्राउ परेका छन् ।

कालीकोटको खाँडाचक्र नगरपालिका–५ राता डाव भन्ने ठाउँमा एसइई परीक्षाको सुरक्षार्थ खटिएको प्रहरी भ्यानलाई लक्षित गरी बम प्रहार गर्ने क्रममा एकजना पक्राउ परेका हुन् ।

प्रहरीका अनुसार पक्राउ परेका व्यक्ति नेत्रबिक्रम चन्द (विप्लव) समूहका कार्यकर्ता रहेका बुझिएको छ । तिलागुफा नगरपालिका–६ का ३४ वर्षी धनराज शाही प्रहरी भ्यानमाथि बम प्रहार गर्ने क्रममा पक्राउ परेका हुन् ।

प्रारम्भिक अनुसन्धानको क्रममा उनी विप्लव समूहका कार्यकर्ता भएको खुलेको प्रहरीका केन्द्रीय प्रवक्ता एसएसपी उत्तमराज सुवेदीले जानकारी दिए ।

पक्राउ परेका शाहीमाथि थप अनुसन्धान भइरहेको प्रहरीले जनाएको छ ।