काठमाडौं– दक्षिण एशियाली ज्योतिष महासंघको उपाध्यक्षमा अम्विका शर्मा चयन भएकी छिन् । महासंघको सचिवालय बैठकले रिक्त उपाध्यक्ष पदमा अम्विका शर्मालाई मनोनयन गरेको हो ।
महासंघको सल्लाहकारको जिम्मेवारीमा रहेकी शर्मा लामो समयदेखि सामाजिक र धार्मिक क्षेत्रमा क्रियाशील रहँदै आएकी छिन् ।
महासंघका कार्यवाहक महासचिव एवं राष्ट्रिय समितिका अध्यक्ष लक्ष्मण पन्थीका अनुसार महासंघका सदस्यहरुको जिम्मेवारी समेत फेरवदल गरिएको छ ।
शर्मा लगायतका पदाधिकारीहरु दक्षिण एशियाली ज्योतिष महासंघ राष्ट्रिय समितिबाट सिफारिस भए पश्चात मात्र मनोनयन गरिएको उनले बताए। रिक्त पदमा मनोनयन गरे पश्चात महासंघको ५१ सदस्यीय कार्यसमितिले पूर्णता पाएको छ ।
प्रतिक्रिया