काठमाडौं – चर्चित र्‍यापर भिटेन (समीर घिसिङ) लाई ‘हामी यस्तै त हो नि ब्रो’ बोलको र्‍याप गीतमा प्रयोग गरिएका शब्दलाई लिएर पक्राउ गरिएको प्रहरीले जनाएको छ ।

भिटेनलाई बिहीबार (आज) महानगरीय प्रहरी अपराध महाशाखाका एसएसपी सशकुल थापाले गीतमा प्रयोग भएका शब्दका कारण पक्राउ गरिएको बताए ।

‘धेरै अपराध छ, गीतमा गाँजा खाएर मस्ती हुन्छु, रक्सी पिएर प्रहरीको चौकीमा मस्ती गर्छु जस्ता शब्द प्रयोग गरिएको छ,’ एसएसपी थापाले खबरहबसँग भने, ‘थाइल्याण्डमा माल हान्छु भन्ने शब्द अपाच्य हो ।’

एसएसपी थापाका अनुसार  र्‍यापर भिटेनले सामाजिक सञ्जाल फेसबूकमा असईले चुरोट तानिरहेको तस्वीर अपलोड गरेका कारण पक्राउ गरिएको हो ।

भिटेनले असईको तस्वीर अपलोड गरेका छन् । उक्त तस्वीरमा उनले चुरोट तानिरहेको देखाइएको छ । यसैलाई आधार बनाउँदै प्रहरीले भिटेनलाई पक्राउ गरेको हो ।