काठमाडौं – निर्देशक साम्तेन भुटियाको नयाँ फिल्म ‘धुपौरे’ मा अनमोल केसीले अभिनय गर्ने भएका छन् । डार्क एक्सन–लभस्टोरी जनरामा निर्माण हुने फिल्ममा अनमोलको लिड रोल हुनेछ ।

निर्माण टिमका अनुसार फिल्मको छायांकन तिहारपछि थालिनेछ । निर्माण टिमले अनमोल केसी बाहेक अन्य कलाकारको छनोट प्रक्रिया बाँकी रहेको जनाएको छ । फिल्मलाई जयन श्रेष्ठले निर्माण गर्नेछन् ।

फरक धारका फिल्म बनाउन रुचाउने साम्तेनले निर्देशन गरेको फिल्म ‘तान्द्रो’ ले समीक्षात्मक रुपमा राम्रो प्रतिक्रिया पाएको थियो । साम्तेनले निर्देशन गरेको चलचित्र ‘च च हुई’ रिलिजका क्रममा छ ।

यता अनमोल केसीले पनि होम प्रोडक्सनको चलचित्र एन्टी हिरोमा पनि देखिनेछन् । अनमोलसँगै भुवन केसीको समेत अभिनय रहने ‘एन्टी हिरो’ सम्भवतः यसै वर्षको चैत २८ गतेदेखि प्रदर्शनमा आउँदैछ ।