चितवन–टेलिभिजन कार्यक्रम प्रस्तोता रवि लामिछानेलाई भेट्न गायक प्रमोद खरेल जिल्ला प्रहरी कार्यालय चितवन पुगेका छन् ।

गायक खरेल विहानको समयमा प्रहरी कार्यालय पुगेका थिए । उनी रवि पत्नी निकिता पौडेलसँगै रविका लागि खाना लिएर गएका थिए ।

रविसँग केहीबेर मात्र भेट भएको प्रहरी कार्यालयबाट बाहिरिने क्रममा गायक खरेलले बताए ।

‘भित्र भेट्न कडा रहेछ । थोरै समय भेटियो’ उनले भने,‘रविजीले देशमा न्याय मरेको छैन भने म निस्कन्छु भन्नु भयो ।’

गायक खरेलले रवि लामिछाने सकारात्मक कामबाट चर्चामा रहेको व्यक्ति भएको बताए । लामिछाने पत्रकारमात्र भन्दा खोज पत्रकार रहेको गायक खरेलको भनाइ छ ।

विश्वमा नै खोज पत्रकारहरु भ्रष्टाचारी र गलत गर्नेहरुको आँखाको कसिंगर बन्ने उल्लेख गर्दै गायक खरेलले लामिछाने पनि त्यस्तै बन्न पुगेको बताए ।