काठमाडौं – प्रदीप खड्का अभिनित फिल्म ‘रोज’ युट्युबमा रिलिज गरिएको छ । ओएसआर डिजिटलको च्यानलमार्फत सार्वजनिक गरिएको यो फिल्म हलमा भने पूरै फ्लप भएको थियो ।

गतवर्ष रिलिज भएको यो फिल्ममा प्रदीप खड्का एक प्रेमीका रुपमा देखिएका थिए, उनीमाथि आफ्नै प्रेमिका हत्या गरेको आरोप लागेको हुन्छ । फिल्ममा मिरुना मगर र परमिता रानाको पनि अभिनय छ । सस्पेन्स थ्रीलर भनिएको यो फिल्म हलमा फ्लप भए पनि युट्युबमा भने ३ दिनमा झण्डै १८ लाखले हेरेका छन् ।

प्रदीप खड्का, मिरुना मगर, परमिता राना, कर्मा, वरुण जबरा, नरेश पौडेल, केदार भुसाल, पल्पसा डंगोल लगायतका कलाकारको अभिनय रहेको यो फिल्ममा मित्र डी. गुरुङको सम्पादन छ । फिल्मलाई आयरा पौडेल र आरोही केसीले निर्माण गरेका हुन् भने केदार भुसालले लेखेका हुन् ।

यस्तै फिल्मलाई निरक पौडेलले निर्देशन गरेका हुन् ।