काठमाडौ‌ं – फिल्म ‘यात्रा: अ म्युजिकल भ्लग’ निर्माण टिमले रिलिज मिति नजिकिँदै गर्दा प्रचारलाई पनि तीव्रता दिएको छ । फिल्मलाई प्रचार गर्ने उद्देश्यले निर्माण टिम ललितपुरको हात्तीवनस्थित लिटल एन्जल्स कलेज पुग्यो ।

कलेजका विद्यार्थीले आयोजना रहेको ‘एलए कल्चर फेस्ट २०१९’ को समापन समारोहमा फिल्मका मुख्य नायक सलिनमान बनियाँ आफ्नो टिमसहित पुगेका थिए ।

उनीसँगै मलिका महत , सलोन बस्नेत , जाह्नवी बस्नेत , प्रेक्षा बज्राचार्य , रेअर राई , विशाल कटवाल लगायत त्यहाँ पुगेका थिए । कलाकारहरुले फिल्मको गीत ‘चट्ट रुमाल क्या मालुम’ मा नाचसमेत प्रस्तुत गरे ।

सम्राट शाक्यको डेब्यु निर्देशन रहेको यो फिल्ममा सलिनसँगै, सलोन बस्नेत, जाह्नवी बस्नेत, जयनन्द लामा, रेअर राई, प्रेक्षा बज्राचार्य , धिरेन शाक्य, राजाराम पौडेल, विशाल कटवाल, समृद्धि राई, योगेशजंग कुँवर, ईश्वर पौडेल लगायतका कलाकारले अभिनय गरेका छन् ।

यात्राको कथा समेटिएको यो फिल्मले रिलिजअघि राम्रो हाइप बनाएको छ । यो फिल्म चैत्र २९ गतेदेखि प्रदर्शन हुँदैछ ।

तस्वीर– आर्यन बिमली