प्राणीमा सबैभन्दा बुद्धिमानी मानिने मानिस आफ्नो वासस्थान निर्माणका लागी लाखौं करौडौं रकम खर्चन्छन् ।

वासस्थान निर्माणमा समय र जानकारी अभाव हुनेहरुका लागी बिभिन्न ब्यापारीक संस्थाहरुले हाउजिगं तथा फ्ल्याट निर्माण गरेर बेच्ने गरेका छन् । तर के तपाईले कहिल्यै कुनै जिवजन्तु वा पंक्षीका लागी फ्ल्याट बनाइएको सुन्नुभएको छ ? पक्कै छैन होला ।

किनकी पशुपन्छिहरु जंगल वा पायक परेको स्थानमा आफ्नो वासस्थान आफै बनाउछन् । तर उनीहरुले बनाएका वासस्थान कतिपय हावाहुरी तथा बर्षातले भत्काइदिन्छ ।

चराचुरुगींको यहि समस्यालाई मध्य नजर गर्दै भारतको गाजियाबादमा पहिलो पटक बर्ड फ्ल्याट निर्माण गरीएको छ ।

गाजियाबाद विकास प्राधिकरणको पहलमा निर्माण गरीएको स्थानीय जीडीए उपाध्यक्षको आवासमा मानिसका लागी बनाइने फ्याल्ट झै तलातलामा पक्षिंका लागी बर्ड फ्ल्याट निर्माण भएको छ ।

उक्त फ्ल्याटमा कुनै पनी पंक्षीले गुड लगाइरहनु पर्दैन बरु उक्त फ्ल्याटको भ्रमण गरी पायक परेको कोठालाई आफ्नो निजी गुडका रुपमा प्रयोग गर्न सक्नेछन् ।

गाजियाबादमा निर्माण भएको उक्त बर्ड फ्ल्याटमा ६० जोडी पंक्षीलाई सहज रुपमा बस्ने कोठा निर्माण गरीएको छ । २ महिना समय खर्चेर निर्माण सम्पन्न गरीएको उक्त फ्ल्याट निर्माणमा २ लाख भारतीय रुपैया लगानी गरीएको छ ।

करीब १५ फिट उचाइको उक्त फ्याल्ट एक फलामे पोलमा माथिबाट छाना हालेर निर्माण भएको छ । यतिमात्र होइन, बर्ड फ्ल्याट बस्ने पंक्षी का लागी पिउने पानीका साथै नुहाउने स्विमीङ पुल र बिहान बेलुका चारो ख्वाउने समेत ब्यवस्था छ ।