काठमाडौं – अन्तर्राष्ट्रिय क्रिकेट परिषद (आईसीसी) ले सार्वजनिक भएको एकदिवसीय वरियतामा नेपाल एक स्थान तल झरेको छ ।

आईसीसीले सार्वजनिक गरेको नयाँ एकदिवसीय वरियतामा नेपाल १६ औं स्थानमा रहेको छ । यसअघि आईसीसी बरियतामा नेपाल १५ औं स्थानमा थियो । पछिल्लो समय नेपालले युएईसँग एकदिवसीय शृङ्खला खेलको थियो ।

उक्त शृङ्खला नेपालले २–१ ले जीतेको थियो । त्यसयता भने नेपालले कुनै पनि देशसँग अन्तर्राष्ट्रिय शृङ्खला खेल्न पाएको छैन् । तर, पनि अन्य देशको तलमाथि हुँदा नेपालको एक स्थान घटुवा भएको हो ।

नयाँ वरियता अनुसार नेपालले ८ खेलबाट १९ रेटीङ पाएको छ । एकदिवसीय वरियतामा नेपाल भन्दा तल युएई र पपुवा न्युगिनी छन् ।

एकदिवसीय वरियताको शीर्ष स्थानमा इंग्ल्याण्ड, दोस्रोमा भारत, तेस्रोमा न्युजिल्याण्ड, चौंथोमा अष्ट्रेलिया र पाँचौ स्थानमा दक्षिण अफ्रीका रहेका छन् ।

आईसीसी टी–ट्वान्टी वरियतामा भने नेपाल यथावत रहदै ११ औं स्थानमा यथावत रहेको छ । नेपालले १४ खेलमा २०१ रेटीङ पाएको छ । टी–ट्वान्टी वरियतामा नेपाल भन्दा तल दुई टेष्ट राष्ट्र जिम्बावे र आयरल्याण्ड रहेका छन् ।