काठमाडौं – राष्ट्रिय बास्केटबल टोलीका कप्तान सदि प्रधानले नेतृत्व गरेको टोली टाईम्स इन्टरनेसनल क्लब क्विक्स नेपाल बास्केटबल लिगको च्याम्पियन बनेको छ ।

शनिबार भएको फाइनलमा विभागीय नेपाली सेनाको टिम त्रिभुवन आर्मी क्लबलाई पराजित गर्दै टाईम्स च्याम्पियन बनेको हो ।

उपाधिसंगै टाईम्सले २ लाख रुपैयाँ नगद प्राप्त गरेको छ । उपविजेता आर्मीले १ लाख रुपैयाँमा पुरस्कार पायो ।

त्रिपुरेश्वरस्थित कभर्डहलमा शनिबार भएको फाईनलमा टाईम्सले आर्मीलाई ८८–७१ स्कोरले आर्मीलाई पराजित गर्यो ।

टाइम्सले १२–१९ ले पहिलो सेट जित्दा दोस्रो १२–२१ले जित्यो भने तेस्रो सेटमा २६–२७ ले हराउँदा चौथो सेट २१–२१ को स्कोरले जित्यो ।

प्ले फर डिप्राइभ्ड चिल्ड्रेन नेपाल (पिडिसिएन) ले आयोजना गरेको लिगमा ८ टोलीले प्रतिस्पर्धा । होम एण्ड अवे को डबल राउण्ड रोबिन लिगका आधारमा भएको प्रतियोगितामा शीर्ष ४ टोलीले प्ले अफमा स्थान बनाएको थियो ।