काठमाडौं– नर्सिङ अध्ययन सकेका नर्सहरुका लागि राष्ट्रिय मिर्गौला उपचार केन्द्रले डायलाइसिस नर्सिङ तालिम आयोजना गर्ने भएको छ ।

केन्द्रले आगामी जेठ १ गतेदेखि ३ महिने बेसिक डायलाइसिस नर्सङ तालिम संचालन गर्न लागेको जनाएको छ ।  डायलाइसिस नर्सिङ तालिम लिन इच्छुक नर्सहरुले बैशाख २० गतेसम्म आवेदन दिन सक्नेछन् ।

केन्द्रले बैशाख २४ र २५ गते आवेदन दिएका नर्सहरुबाट परीक्षा तथा अन्तर्वाता प्रणलीबाट डायलाइसिस नर्सिङ तालिमका लागि नर्स छनोट गर्नेछ ।

केन्द्रले आवेदन दिएका नर्सहरुबाट तालिमका लागि २४ जना मात्रै छनोट गर्ने जनाएको छ । मिर्गौलाका बिरामीका लागि डायलाइसिसको विषयमा विशेष ज्ञान हुनुपर्ने भएकाले केन्द्रले नर्सिङ अध्ययन गरेका नर्सहरुलाई डायलाइसिसको तालिम दिँदै आएको छ ।

हालसम्म २५ सय नर्सहरुलाई डायलाइसिस नर्सिङ तालिम दिइसकेको केन्द्रका प्रेस संयोजक विमल बरालले जानरकारी दिए ।