काठमाडौं – आर्यन सिग्देल र मिरुना मगर स्टारर फिल्म ‘च च हुई’ को गीत सार्वजनिक गरिएको छ । राजधानीमा बिहीबार एक कार्यक्रमको आयोजना गरी गीत सार्वजनिक गरियो ।

‘सिल्की सिल्की बाल’ बोलको गीतमा राजनराज शिवाकोटीको संगीत छ । यस्तै गीतमा संगीतकार शिवाकोटी र मेलिना राईको आवाज सुन्न सकिन्छ । गीतको भिडियोमा आर्यन, मिरुना लगायतले कम्मर मर्काएका छन् ।

मुस्ताङमा छायांकन गरिएको भिडियोमा भोलाराज सापकोटा पनि छन् ।

आउँदो मंसिर ६ गतेबाट प्रदर्शनमा आउने फिल्मलाई अमृत गोले लामाले निर्माण गरेका हुन् भने साम्तेन भुटियाले निर्देशन गरेका हुन् ।