तेहरान– मध्यपूर्वमा अमेरिका र इरानबीच तनाव उत्कर्षमा रहेका बेला इरानले अमेरिकी गुप्तचर निकाय सीआईएका लागि काम गर्ने १७ जासुसलाई पक्राउ गरिएको घोषणा गरेको छ ।
सोमबार इरानको राज्यसञ्चालित सञ्चरमाध्यमले सीआईएका १७ जासुसलाई पक्राउ गरी केहीलाई मृत्युदण्ड दिइएको जनाएको हो । उनीहरुलाई गत मार्च भन्दा १२ महिनाअघि सम्म पक्राउ गरिएको जनाइएको छ ।
यता अमेरिकी राष्ट्रपति डोनाल्ड ट्रम्पले भने इरानले सीआईएका जासुसलाई पक्राउ गरिएको समाचार असत्य रहेको जनाएका छन् ।
गत शुक्रबार इरानले हर्मुजको स्ट्रेटबाट बेलायती पानीजहाजलाई नियन्त्रणमा लिएयता मध्यपूर्वमा तनाव उत्कर्षमा रहेका बेला इरानको पछिल्लो घोषणा आएको हो ।
प्रतिक्रिया