काठमाडौं – फिल्म ‘हजार जुनीसम्म’ को पहिलो गीत सार्वजनिक गरिएको छ । काठमाडौंको क्युज हलमा एक औपचारिक कार्यक्रमको आयोजना गर्दै गीत सार्वजनिक गरियो ।

‘एमजी रोडैमा’ बोलको गीतमा राजनराज शिवाकोटी र मेलिना राईको संगीत रहेको छ भने शब्द तथा संगीत गायक शिवाकोटीको नै छ ।

यस्तै गीतको भिडियोमा पुरुषोत्तम प्रधानको छायांकन छ । स्वस्तिमा खड्का,सलोन बस्नेत र डेब्यु कालकार अखिलेस प्रधान लगायतले २ सय कोरसका साथ अभिनय गरेका छन् । भिडियोलाई गीतको बोल अनुसार छायांकन गरिएको छ ।

आर्यन सिग्देल, प्रियंका कार्की, शिवहरि पौडेल, सञ्चिता लुइँटेल, अनुभव रेग्मी लगायतका कलाकारको समेत अभिनय रहेको यो फिल्ममा उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन रहेको छ । यस्तै फिल्ममा कविता रेग्मी कार्यकारी निर्माता छिन् ।

विकास राज आचार्यले निर्देशन गरेको यो फिल्ममा निर्देशक आचार्यको स्किृप्ट र कथा छ । फिल्म आउँदो साउन ३० गतेबाट नेपालभर प्रदर्शन हुँदैछ ।