काठमाडौं– नेपाल बंगलादेश बैंकले अनाथ तथा आश्रयविहीन बालबालिकाका लागि न्यानो कपडा वितरण गरेको छ ।

काठमाडौंको मनहरा नगरपालिका–६ स्थित अनाथ आश्रय नेपाल नेपाल नामक संस्थामार्फत बैंकले ३५ थान कम्बल वितरण गरेको हो ।

बैंकका सञ्चालक मुकुन्दनाथ ढुंगेलले संस्थागत सामाजिक उत्तरदायित्वअन्तर्गत अनाथ तथा आश्रयविहीन बालबालिकाका लागि कम्बल वितरण गरिएको बताए ।

बैंकका सञ्चालक ढुंगेलले सबै संस्थाहरुले सामाजिक उत्तरदायित्वलाई विशेष स्थान दिनुपर्नेमा जोड दिँदै नेपाल बंगलादेश बैंकले पनि सामाजिक उत्तरदायित्व वहनमा विशेष जोड दिएको बताए ।

अनाथ बालबालिकाका लागि कम्बल वितरण गरेकोप्रति अनाथ आश्रय नेपाल नेपाल संस्थाका अध्यक्ष गोपालबहादुर कार्कीले बैंकलाई धन्यवाद दिए ।