काठमाडौं – अभिनेत्री पूजा शर्माका फ्यानहरु उनको फिल्म रिलिजका बेला बढी सक्रिय रहने गर्छन् । यसअघि प्रदीप खड्कासँग फिल्म ‘प्रेम गीत’ का समयमा होस्, या त ‘म यस्तो गीत गाउँछु’ को बेलामा होस्, पूजाको राम्रै चर्चा हुने गर्थ्यो । पल र प्रदीप दुवै पूजालाई फापेका थिए । यीसँग पूजाको केमेस्ट्री मिलेकाले फ्यानले पनि साथ दिएका थिए ।

गत वर्ष रिलिज भएको फिल्म ‘रामकहानी’ मा पूजाले आकाश श्रेष्ठसँग जोडी बाँधिन् । यो फिल्मले पनि राम्रै चर्चा पायो । भलै फिल्मले व्यापारिक रुपमा भने सफलता हासिल गर्न सकेन ।

यतिबेला पूजा र आकाशको जोडी पुनः दोहोरिँदै छ । तर, यी दुईको जोडीलाई दर्शकले खासै चासोका साथ हेरेका छैनन् । फिल्मको खासै चर्चा छैन । यसअघि खुबै आक्रामक हुने पूजाका फ्यान पनि यसपटक मौन छन् ।

रिलिजको मुखमा हुँदा पूजाको क्रेज नदेखिँदा फिल्म फ्लप हुने हो कि भन्ने भय निर्माण टिममा देखिएको छ । त्यसो त यो फिल्ममा पूजा र आकाशबाहेक अन्य स्टार कलाकार पनि छन् । तर, ती कलाकारको पनि कुनै चर्चा छैन ।

अरु बेला क्रेज नदेखिए पनि फिल्म रिलिजका बेला विवादमै आएर पनि चर्चामा रहने पूजाको चर्चा किन यसपटक किन नभएको होला त? कि पूजा र आकाशको स्किन नफापेको हो ?