काठमाडौं– अहिले तीजका गीतको मौसम छ । युट्युवमा नयाँ नयाँ गीत सार्वजनिक हुने क्रम बढ्दो छ ।

तीज गीतमा केही नयाँपन पक्कै देखिएको छ । लोक लयमा आधारित हुने तीज गीतहरु अहिले ‘रक’मा परिणत भएका छन् ।

अहिले एउटा ‘रक स्टाइल’ तीज गीत निकै भाइरल बनेको छ । दुर्गेश थापाको ‘हामी पनि नाच्नुपर्छ बीच बीचमा…’ गीतले जति माहोल लिएको छ ।

त्यो भन्दा बढी एक युवाले यही गीतमा गरेको डान्सले तहल्का मच्चाएको छ । उनी सामाजिक सञ्जालमा निकै भाइरल बनेका छन् । गीतलाई मिल्ने हाउभाउ र उनको एक्सप्रेसन बडा गज्जबको छ ।

घरको छतमा कालो पाइन्ट र सेतो सटमा सजिएका उनले गीतको बोलसँग मुखको लबज मिलाउँदा त्यस्तै हासोउठ्दो एक्सप्रेसन दिएका छन् । जसका कारण उनी एकाएक भाइरल बनेका हुन् । दिदी बहिनी मात्र नाच्छन् जहिले पनि तीजमा, हामी पनि नाच्नुपर्छ बीच-बीचमा… बोलको गीतमा उनले यस्तो नृत्य गरेका छन्-

हेर्नोस् भिडियो