काठमाडौं– विभिन्न प्रकरणले चर्चा र विवादमा आइरहने मोडल खुश्बु ओली चेक बाउन्स (अनादर) मुद्दामा दोषी ठहर भएकी छन् ।
काठमाडौं जिल्ला अदालतले ओलीलाई ३ महिनाको कैद सजाय सुनाएको छ । जिल्ला अदालतका न्यायाधीश श्रीकृष्ण भट्टराईको इजलाशले खुश्बुबाट ३ हजार रुपैयाँ जरिवाना असुल गर्न पनि आदेशमा भनेको छ ।
ओलीले ३ जनवारी २०१७ मा सप्तरीका गोपालबहादुर कटुवालका नाममा ३६ लाख रुपैयाँको चेक काटेकी थिइन् । उक्त चेक कुमार बैंकमा साट्न जाँदा अनादर (बाउन्स) भएको थियो ।
आफूलाई दिइएको चेक बाउन्स भएपछि कटुवालले २९ साउन २०७५ काठमाडौं जिल्ला अदालतमा मुद्दा दायर गरेका थिए ।
अदालतले चेकमा उल्लेखित रकम ३६ लाख रुपैयाँ भराउन पनि आदेश जारी गरेको छ ।
प्रतिक्रिया