अस्ट्रियाका लिजेण्ड फर्मुला वान राइडर निकी लाउडाको निधन भएको छ । फर्मुला वान (कार रेसिङ प्रतियोगिता) मा तीन पटकका विश्व च्याम्पियन लाउडाको ७० वर्षको उमेरमा मंगलबार निधन भएको हो ।

गएको अगस्टमा फोक्सोको प्रत्यारोपण गरेका निकीले फेरारी टिमबाट सन् १९७५ र १९७७ मा फर्मुला वानको विश्व च्याम्पियन बनेका थिए भने सन् १९८४ मा निकी म्याकलरेन टिमबाट विश्व च्याम्पियन बने ।

सन् १९७६ को जर्मन ग्राण्ड प्रिक्सको रेस क्रममा निकी दुर्घटनामा परेका थिए । दुर्घटनामा उनको अनुहार र हातहरु जलेका थिए ।

तर, दुर्घटनामा परेको ६ हप्तापछि रेसमा फर्कदै उनले दुई पटक विश्व च्याम्पियनको उपाधि जित्दै आफूलाई सफल खेलाडीका रुपमा विश्वसामू चिनाएका थिए ।

आफ्नो खेल करियरबाट टाढिएसँगै लाउडा विभिन्न विमानमा लगानी गरेका थिए भने र पछिल्लो समय फर्मुल्ला वान मर्सीडिजका सम्मानीत अध्यक्ष रहेका थिए ।