बाँके– आठौं राष्ट्रिय खेलकुद प्रतियोगिताअन्तर्गत पौडी प्रतियोगितामा गौरीका सिंहले २ विधामा राष्ट्रिय कीर्तिमान बनाएकी छिन् ।
गौरीका सिंहले दुइ सय मिटर ब्याकस्ट्रोकको हिट्समा ३१ दशमलव ३१ सेकेन्डको रेकर्ड सुधार गरिन् ।

त्यसैगरी, महिला आठ सय मिटर फ्रि स्टाइलमा आर्मीकी खेलाडी गौरीकाले नौ मिनेट ३९ दशमलव २२ सेकेन्डमा दूरी पूरा गर्दै राष्ट्रिय कीर्तिमानका साथ पहिलो स्वर्ण जितिन् ।

सेनाकै उपास्ती महर्जनले रजत र प्रहरीकी समिरा शोभा थापाले कास्य पदक हात पारे । पुरुष एक सय मिटर ब्रेष्टस्ट्रोकको हिट्समा शुभंम श्रेष्ठले राष्ट्रिय कीर्तिमान बनाएका छन् ।

गौरीकाले जस्तै शुभमले पनि एक सय मिटर ब्रेष्टस्टोकमा कीर्तिमान कायम गरेका हुन् । शुभमले आफ्नै नाममा रहेको कीर्तिमानमा सुधार गरेका थिए । ५० मिटर ब्याकस्ट्रोकमा एपीएफका तेन्जिङ गुरुङले स्वर्ण हात पारे ।