बाँके- नेपालगञ्जमा जारी आठौं राष्ट्रिय खेलकुद अन्तरगतको पौडी खेलमा नेपालको नम्बर एक पोडी खेलाडी गौरिका सिंहले गोल्ड मेडल हात पारेकिछन्।

उनले सर्ट कोर्षको ८ सय र ५० मिटरको स्पर्धामा गरि दुई स्वण हासिल गरेकि हुन्। ८ सय मिटरको पोडीमा गौरिकाले ९ मिनेट ३९ सेकेन्ड २२ मिलिसेकेन्डमा पूरा गरिन। त्यस्तैगरि ८ सय मिटरमा दोस्रो भएकि उपस्थी महर्जनले ११ मिनेट ९ सेकेन्डमा पुरा गर्दा तेस्रो भएकी समेरा शोभा थापाले ११ मिनेट १६ सेकेन्डमा दुरी पूरा गरिन्।

त्यस्तै महिला तर्फकै ५० मिटर पौडीमा गौरिकाले गोल्ड हात पार्दा ३१ सेकेन्ड २२ मिलिसेकेन्डमा दुरी पूरा गरिन । योसँगे गौरिकाले सरट कोर्समा नयाँ कीर्तिमानी बनाएकी छन्। दोस्रो भएकि नेपाल पुलिस क्लबकी अनुस्का पोखरेलले ३८ सेकेन्डमा लक्ष्य पूरा गर्दा तेस्रो भएकि एपीएफकी युस्का महर्जनले ४० सेकेन्डमा दुरी पूरा गरिन्।

नेपालगञ्जस्थित पौडी पोखरी नबनेपछि होटल सिग्रेटमा रहेको २५ मिटरको पोखरीमा पौडी खेलाईएको हो। गौरिका सिंह र ८ सय मिटरमा दोस्रो हुने उपस्थी महर्जन दुवै आर्मीका खेलाडी हुन्।