काठमाडौं – रेनशा वान्तवा राईले निर्देशन गर्ने फिल्म ‘आइ एम ट्वान्टीवान’ मा धिरज मगर र जसिता गुरुङको जोडी हुने भएको छ । लामो समयदेखि निर्माण हुने चर्चामा रहेको यो फिल्ममा धिरज पहिले नै फाइनल भए पनि जसिता हालै अनुबन्ध भएकी हुन् ।

यसअघि जसितालाई दर्शकले चलचित्र ‘लभ स्टेशन’ मा प्रदीप खड्कासँग रोमान्स गरेको अवस्थामा देखेका थिए । यस्तै धिरज मगरको अभिनय रहेको फिल्म ‘इन्टु मिन्टु लण्डनमा’ गत वर्ष प्रदर्शनमा आएको थियो । सो फिल्मलाई रेनशाले नै निर्देशन गरेकी थिइन् । डेब्यु फिल्मबाटै रेनशाले फिल्म निर्देशनको चर्चा पाइन् ।

फिल्मको तयारी पहिलेदेखि नै गरिएको थियो । चलचित्रमा जसिता र धिरजको जोडी रहनेछ ।

फिल्मलाई लिएर निर्देशक रेनशा बान्तवा राई पनि उत्साहित छिन् ।