ब्रसेल्स–युरोपेली युनियनले अमेरिकी प्राविधिक कम्पनी गुगललाई १ अर्ब ७० करोड डलरभन्दा धेरै जरिवाना तिराएको छ ।

गुगलले आफ्नो विज्ञापनमा अरु प्रतिस्पर्धी सर्च इन्जिनको विज्ञापन ब्लक गरेको भन्दै युरोपेली युनियनले अल्फबेट इन्क कम्पनीको गुगललाई १ अर्ब ७० करोड भन्दा धेरै जरिवाना तिराएको हो ।

गुगलले एक दशकदेखि प्रतिस्पर्धाविरोधी व्यापारिक अभ्यास गरिरहेकोले त्यसविरुद्ध करिब डेढ अर्ब युरो अर्थात् १ अर्ब ७० करोड अमेरिकी डलर बराबरको जरिवाना तिराइएको युरोपेली प्रतिस्पर्धा आयोगले जनाएको छ ।

आफ्नो एडसेन्स नामक विज्ञापनमा आफ्ना प्रतिस्पर्धीको विज्ञापन ब्लक गरेको अरोप गुगलमाथि लागेको थियो । गुगलको यो अभ्यास युरोपेली युनियनको व्यापारिक प्रतिस्पर्धा नियमको विरुद्धमा रहेको भन्दै जरिवाना तिराएको युरोपेली प्रतिस्पर्धा आयोगकी आयुक्त मर्गरेथ भेष्टागरले जनाएकी छिन् ।