काठमाडौं – स्मिता दाहालको स्वर रहेको गीत ‘जालैमा पार्छु’ सार्वजनिक गरिएको छ । सार्वजनिक गीतमा स्मितालाई गायनमा आशिष अविरलको समेत स्वर सुन्न सकिन्छ ।

यस्तै गीतमा शब्द एकनारायण भण्डारीका छन् । गीतलाई गायक आशिषले नै कम्पोज गरेका हुन् । सार्वजनिक गीतको भिडियोमा आँचल शर्मा र बिजु पार्कीसँगै स्मितालाई पनि देख्न सकिन्छ ।

राजधानीमा एक कार्यक्रमको आयोजना गर्दै गीत सार्वजनिक गरिएको थियो । कार्यक्रममा बोल्दै खानेपानी मन्त्री बिना मगरले स्मितालाई सफलताको शुभकामना दिइन् । नाताले बिना मगर स्मिताको माइजु हुन् । कार्यक्रममा प्रचण्डपुत्री रेणु दाहाल, कलाकार जितु नेपाल लगायत उपस्थित थिए ।

‘हाम्रो परिवारको सबै राजनीतिमै छौँ तर उनले छुट्टै बाटो रोजेकी छिन्’ मन्त्री मगरले भनिन्, ‘उनले निकै मेहनत गरिरहेकी छिन् र उनलाई सफलता मिल्नेमा दुई मत छैन ।’

गायिका स्मिताले यो गीत तयार पार्न झन्डै एक वर्ष समय लागेको बताइन् । स्मिताले आगामी दिनमा सबै किसिमको गीत बजारमा ल्याउने पनि बताइन् ।