काठमाडौं – पछिल्लो समय नायिका प्रियंका कार्कीले अभिनय गरेका कुनै पनि फिल्मले बक्स अफिसमा व्यापार गर्न सकेका छैनन् । उनको शीर्ष भूमिका रहेको फिल्म ‘प्रेम दिवस’ नमज्जाले चिप्लियो । यो फिल्म उनका लागि किन पनि विशेष थियो भने, उनी अभिनेता आयुष्मान देशराज जोशीसँग फिल्ममा देखिएकी थिइन् ।

आयुष्मान र प्रियंकाले बिहे गर्ने चर्चा लामो समयदेखि चलिरहेको छ । तर, उनीहरुले बिहे गरेका छैनन् । फिल्ममा फ्लप हुँदै गएकी प्रियंका पछिल्लो समय त म्युजिक भिडियोमा पनि खासै जम्न सकेकी छैनिन् ।

उनका फिल्म भटाभट फ्लप भइरहेका बेला पछिल्लो समय प्रियंकाले सामाजिक सञ्जालमा प्रायः बिकिनी तस्वीर अपलोड गरेर दर्शकको ध्यान तान्न खोजेकी हुन्छिन् ।

प्रियंकाले प्रायः इन्स्टाग्राममा आफ्नो बिकिनी अवतार प्रस्तुत गरेकी हुन्छिन् । यसलाई कतिपय फ्यानले त बोल्ड रुप भन्दै तारिफ गरेका छन् । तर, धेरैले भने प्रियंकाको चर्चामा आउने दाउका रुपमा लिएका छन् ।

अभिनय कहिल्यै नसुधार्ने तर सधै चर्चामा आउन चाहने प्रियंकाको अबको करिअर कता जाला, त्यो भने हेर्न बाँकी छ । पक्कै पनि बिकिनी तस्वीरले मात्र नायिकाको क्रेज धानेर राख्ने त होइन होला । अहिले भने फ्यानले सोध्न थालेका छन्, बिकिनीले मात्र धान्ला त क्रेज ?