जाडो मौसममा घाममा बसेर सुन्तला र बदाम खानुको मज्जा नै बेग्लै हुने गर्दछ ।

जाडो मौसममा फल्ने सुन्तला जाडोको समयमा खाएमा यसले असर गर्छ भन्ने केहि मानिसमा गलत धारणा छ ।

तर सुन्तला स्वादका लागि मात्र नभइ स्वास्थ्यका हिसाबले पनि लाभदायक हुन्छ । किनकी सुन्तलालाई भिटामिन ‘सी’को प्रमुख स्रोत मानिन्छ । साथै यो सौन्दर्यका हिसाबमा पनि फाइदाजनक मानिन्छ । अरु के के छ त सुन्तला खानुको फाइदा :

१. दिनहु सुन्तलाको सेवन गर्नेहरुमा मिर्गौलाको पत्थरी हुने संभावना कम रहन्छ ।

२. दम, ब्रोङकाइटिस, रुघाखोकी, ज्वरो र मुटुको रोगीलाई समेत सुन्तला खाँदा लाभ मिल्छ ।

३. डण्डिफोर, खटिरा, निमोनिया, पाइरिया, श्वासप्रश्वासको समस्या, टाइफाइड, मधुमेह र उच्च रक्तचापका रोगीलाई पनि सुन्तलाको सेवन लाभदायक मानिन्छ ।

४. सुन्तला नियमित खाने मानिसलाई रक्सीको लत छाड्न मद्दत गर्छ ।

५. सुन्तलामा हुने साइट्रस लिमोनोइड्समले विभिन्न क्यान्सरको जोखिमबाट बचाउने गर्दछ ।

६. सुन्तलामा पाइने क्यारोटेनोइड्स नामक तत्वले कलेजोको क्यान्सर हुनबाट जोगाउछ ।

७. सुन्तलामा फाइबर प्रशस्त पाइन्छ यसले शरीरमा कोलेस्टरोलको मात्रा घटाउन मद्दत गर्छ ।

८. सुन्तलामा हुने पोटासिमय र इलेक्ट्रोलाइट मिनरललाई मुटु रोगीका लागी राम्रो मानिन्छ ।

९. सुन्तलामा पाइने पोलिफेनोल्स तत्वले रुघाखोकीजस्ता भाइरल इन्फेक्सनबाट जोगाउने गर्दछ ।

१०. कब्जियतको समस्या हुने मानिसले सुन्तला खाने गरेमा दिसा खलास हुने गर्दछ ।

११. सुन्तलामा हुने फाइबरले पाचन प्रक्रियालाई बलियो बनाउछ ।

१२. सुन्तलामा पाइने भिटामिन–ए, क्यारोटेनोइड नामक तत्वले आ“खा तेजिलो बनाउने गर्दछ ।

१३. सुन्तलामा पाइने फ्लाभोनोइड हेस्पेरिडिन र म्याग्नेसियमले उच्च रक्तचापलाई नियन्त्रण गर्छ ।

१४. सुन्तलामा बेटा–क्यारोटिन पाइन्छ जसले छालालाई चम्किलो बनाउने गर्दछ ।

१५. सुन्तलामा पानिको मात्र प्रसस्त पाइन्छ, यसले डिहाइड्रेसन हुनबाट बचाउँछ ।