काठमाडौं – जगदम्बा मोटर्सको ‘टिभिएस सुपर एक्स्चेन्ज फाइनान्स फेयर’ शुक्रबारदेखि शुरु भएको छ ।

काठमाडौंको भृकुटीमण्डपमा शुरुभएको मेलाको उद्घाटन नेपालका स्टार क्रिकेटर राष्ट्रिय क्रिकेट टोलीका कप्तान पारस खड्काले गरेका हुन् ।

आजदेखि शुरु भएको मेला कात्तिक ५ गतेसम्म चल्ने आयोजकले जनाएको छ । मेलामा ग्राहकले ३० प्रतिशत छुटसहितको फाइनान्स सुविधा, एक्स्चेन्ज गर्ने ग्राहकले १० हजार मुल्याङ्कन जस्ता अफर रहेको जनाइएको छ ।

मेलाको उद्घाटनका लागि भृकुटीमण्डप पुगेका क्रिकेटर पारस खडेकाले टिभिएसले क्रिकेटमा गरेको लगानी सम्मनजनक रहेको बताउँदै टिभिएसलाई धन्यवाद दिएका छन् ।

खड्काले आगामी दिनमा पनि टिभिइसले क्रिकेटमा लगानी गर्ने विश्वास व्यक्त गरे । टिभिइसको लगानीले खेलाडीलाई व्यवसायिक रुपमा अगाडि बढ्न सहयोग गरेको उनको भनाइ थियो ।