एजेन्सी– सुन्दा अनौठो लाग्ने यो घटना भने नेपालको होइन, छिमेकी राष्ट्र भारतमा तीन वटा खसीको मूल्य ३५ लाख परेको हो ।

भारतको लखनउका खसी पालक तथा ब्यापारी अब्दुल करीमले बकरइदको अवसरमा बेचेका तीन वटा खसीको मूल्य ३५ लाख पाएका हुन् । अब्दुलका तीन खसीमध्ये भोपालका एक व्यवसायीले जोडी खसीलाई २४ लाख मूल्य दिएर खरिद गरेका थिए भने अर्का ग्राहकले ११ लाख २० हजार दिएका थिए ।

खसीको मूल्य लाखौं पर्नुको पछाडी ति खसीको प्रजाति हो । तीनवटै खसी सोजल प्रजातिका हुन् । विदेशी सोजल जातका खसीको मासु निकै राम्रो मानिन्छ । सोजल प्रजातिका बाख्रीले भने कम दूध दिन्छन् ।

खसी पालक अब्दुलका अनुसार १८ महिना अघि ७० हजारमा पाठा किनेर तिनलाई पाल्दै आएका थिए । अब्दुलले खसीलाई दैनिक गहु“, जौ, चना, मटरलगायतका दाना मिसाएर ख्वाउने गरेका थिए । खसीलाई खुवाउने दानाको विषयमा उनले नियमित पशु चिकित्सकको सल्लाहअनुसार डाइट मिलाएर खुवाउने गरेका थिए । त्यति, मात्र होइन खसीको विशेष ‘रौं’को समेत अलग्गै ट्रिमिंग गरिन्थ्यो ।

अब्दुलले ति खसी किन्दा १७/१८ किलो मात्र रहेकोमा बिक्री गर्ने बेलासम्ममा २१० देखि २२० किलोसम्मका थिए । अझ रोचक कुरा त के छ भने तीनवटा खसीको स्याहारका लागि अब्दुलले ३ जना कामदार राखेका थिए ।