काठमाडौं – आठ महिना पहिले भाइरल भएको गीत ‘रेलिमाई’ को सफलतापछि गायक आर्जन पाण्डेले ‘रेलिमाई २’ बजारमा ल्याएका छन् । सामाजिक सञ्जाल तथा युट्युबमा समेत सर्वाधिक खोजिएको ‘रेलिमाई’ गीतलाई हालसम्म ७५ लाखभन्दा बढीपटक हेरिएको छ ।

गायक तथा मोडल आर्जनले यसको दोस्रो सिक्वेल स्वरुप ‘रेलिमाई २’ ल्याएका हुन् । उक्त सिक्वेलको बोल ‘झिमिक्कै परेली’ नाम राखिएको छ । गीतमा आर्जनको स्वर छ भने उनलाई मेलिना राईले साथ दिएकी छिन् । गीतमा प्रतीक पौडेलको संगीत छ ।

यस्तै भिडियोमा आर्जनले अभिनेत्री केकी अधिकारीको मोडलिङ गरेका छन् । मिडियामा आर्जन र केकी प्रेममा रहेको गसिप चलिरहेका बेला यी दुईको अभिनय रहेको भिडियो सार्वजनिक गरिएको हो ।

विशाल भण्डारीले निर्देशन गरेको गीतको भिडियोलाई प्रविण श्रेष्ठले सम्पादन गरेका हुन् भने अर्जुन तिवारी एण्ड टिमले छायांकन गरेका हुन् ।