काठमाडौं – यस वर्षको सफल चलचित्र ‘जात्रै जात्रा’ ले रिलिजदेखि अहिलेसम्म पनि निरन्तर दर्शक पाइरहेको छ । जेठ ३ गतेदेखि प्रदर्शनमा आएको यो फिल्मले दर्शकको मन जितेको छ भने बक्स अफिसमा पनि नोट छापेको छ ।

यसैबीच कलाकारलाई देखाउनका लागि फिल्म युनिटले स्पेशल शो राखेको छ । राजधानीको बिग मुभिजमा गरिएको स्पेशल स्किृनिङमा कैयन् सेलिब्रेटीको उपस्थिति थियो । समीक्षकले समेत मन पराएको यो फिल्मलाई प्रदीप भट्टराईले निर्देशन गरेका हुन् ।

राजधानीमा गरिएको ‘स्पेशल शो’मा वरिष्ठ कलाकार सुनील थापा, रेखा थापा, नम्रता श्रेष्ठ, सन्दीप क्षेत्री लगायतका चर्चित कलाकारको उपस्थिति थियो । यस्तै फिल्मका शीर्ष कलाकार विपिन कार्की, रविन्द्र झा, रविन्द्रसिंह बानियाँ, वर्षा राउत, राजाराम पौडेल लगायतका कलाकार उपस्थित थिए ।

फिल्म शुरु हुनुभन्दा पहिले निर्देशक प्रदीप भट्टराईले फिल्म सफल रुपमा सफल भएको र ५१ दिन मनाओस् भन्ने आशा राखेको धारणा राखे ।

सफल चलचित्र ‘जात्रा’ को सिक्वेलका रुपमा निर्माण भएको यो फिल्ममा कमेडी कथा छ । नेपालमा मात्र नभएर अस्ट्रेलियामा पनि यो फिल्मले गज्जबको व्यापार गरिरहेको छ ।