भारत-भारतको उत्तरप्रदेश राज्यस्थित आगरा राजमार्गमा बस दुर्घटना हुँदा कम्तीमा ५ जनाको मृत्यु भएको छ ।
शनिबार तीब्र गतिमा गइरहेको एक बस दुर्घटनामा पर्दा अन्य ३० जना घाइते भएका छन् ।
राजधानी दिल्लीबाट यात्रु लिएर बिहारतर्फ गइरहेको बस देवखरी भन्ने स्थानमा दुर्घटनाग्रस्त भएको अधिकारीले जनाएका छन् ।
तीब्र गतिको बस ट्याक्टरको ट्रलीमा ठोक्किएर दुर्घटनामा परेको बताइएको छ ।
घाइतेका मध्ये एक दर्जन भन्दा बढीलाई थप उपचारका लागि लखनउ ट्रमा सेन्टरमा लगिएको छ ।
घाइते मध्ये केहीको अवस्था चिन्ताजनक भएको हुनाले मृतकको सङ्ख्या बढ्न सक्ने पनि आशङ्का गरिएको छ ।
प्रतिक्रिया