मुम्बई- ‘नेसनल अवार्ड विनर’ फिल्ममेकर मधु भण्डारकरले सैफ अली खान र करीना कपूरका छोरा तैमुरमाथि फिल्म बनाउने कुरालाई इन्कार गरेका छन् । भारतीय मिडियामा तैमुरमाथि फिल्म बन्ने समाचार आइरहेका बेला उनले यस्तो खाले कुनै फिल्म बनाउन नलागेको स्पष्ट पारेका हुन् ।

निर्देशक भण्डारकरले उक्त समाचार गलत भएको बताउँदै भनेका छन्, ‘तैमुरमाथि कुनै फिल्म बन्न लागेको छैन, यो रिपोर्ट गलत हो ।’ सैफ अली खान र करीना कपूरका छोरा तैमुर स्टार किड्समा एक हुन्, जसको पपुलारिटी पूरै देशभर भाइरल हुने गर्छ ।

हालै निर्देशक भण्डारकरले तैमुर नामको टाइटल रजिस्टर गराएको चर्चा पनि चलेको थियो । तर, मधुरले आफ्नो प्रोडक्सन हाउसमा यस्तो कुनै टाइटल दर्ता नभएको बताएका छन् । बरु भण्डारकरले आफ्नो अघिल्लो फिल्मको नाम ‘गालिब’ भएको बताएका छन् ।

‘मेरो यात्रा चाँदनी बार फिल्मबाट शुरु भएको थियो र आखिरी फिल्म इन्दु सरकार थियो, जो शानदार फिल्म थियो,’ उनले भनेका छन्, ‘अहिले एक फिल्ममा काम गरिरहेको छु, जसको नाम गालिब हो, फिल्मको कथामा रिसर्च भइरहेको छ ।’

सैफ-करीनाका छोरा तैमुरलाई लिएर बलिउडमा निकै चासो हुने गर्छ । बेलाबेलामा तैमुरका समाचार बाहिर आइरहेका हुन्छन् ।