काठमाडौं– सहिद स्मारक ए डिभिजन फुटबल लिगको साविक विजेता मनाङ–मर्स्याङ्दी क्लबले नयाँ सिजनमा सुखद् सुरुवात गरेको छ ।
बुधबार दशरथ रंगशालामा भएको पहिलो खेलमा विभागीय टिम एपीएफ क्लबलाई २–० गोल अन्तरले पराजित गर्दै मनाङले सुखद सुरुवात गरेको हो ।
दशरथ रंगशालामा मनाङका लागि राष्ट्रिय फुटबल टोलीका खेलाडी विमल रानाले दुई गोल गरे ।
मनाङका लागि विमलले खेलको २८ औं मिनेटमा गोल गरेका थिए भने ३४ औं मिनेटमा व्यक्तिगत दोस्रो गोल गर्दै मनाङलाई २–० को जित दिलाए । उनले विदेशी खेलाडी कोएरा लार्बाले मिलाएको पासलाई सदुपयोग गरे ।
प्रतिक्रिया