काठमाडौं- राष्ट्रिय वाणिज्य बैंकले नेपाली राष्ट्रिय महिला भलिबल टोलीलाई सम्मान गरेको छ ।

बैंकले बंगलादेशमा भएको एभीसी सेन्ट्रल जोन च्याम्पियनसिपमा स्वर्ण पदक जित्न सफल १६ जना खेलाडी र अफिसियलहरुलाई सम्मान गरेको हो ।

खेलाडी तथा अफिसियलहरुलाई वाणिज्य बैंक संचालक समितिका निर्मलहरि अधिकारी र प्रमुख कार्यकारी अधिकृत किरण कुमार श्रेष्ठले मायाको चिनो प्रदान गरेका थिए ।

सो कार्यक्रममा बैंक संचालक समितिका सदस्य निर्मलहरि अधिकारीले बैंकले भलिबललाई विगत देखि गरेको सहयोगको परिणाम आएको र अन्तर्राष्ट्रिय रुपमा प्राप्त भएको उपलब्धिले देशको शिर उच्च भएको बताए ।

राष्ट्रिय वाणिज्य बैंक र नेपाल भलिबल संघ बीच आरबीबी एनभीए राष्ट्रिय क्लब लिग भलिबल प्रतियोगितालाई मूख्य प्रायोजन गर्ने सम्झौता ४ वर्ष देखि रहँदै आएको छ ।