काठमाडौं– गैर आवासीय नेपाली संघ (एनआरएनए)को नयाँ नेतृत्वका लागि भएको निर्वाचनको मतदान सम्पन्न भएको छ । मतदानमा २३ सय ४४ मत खसेको निवार्चन समितिले जनाएको छ ।

केहि समय पछि मतगणना हुने र आजै मत परिणाम सार्वजनिक हुने निर्वाचन आयुक्त शिव रिजालले जानकारी दिए ।

बुधवार नै सकिने निर्वाचन प्राविधिक कारणले स्थगित भएको थियो । मतदानमा सबै भन्दा बढी मत युरोपबाट ९ संस २० खसेको छ । अमेरिकाबाट जम्मा २६१ मत खसेको जनाईएको छ ।

मतदानमा करिब ९२ प्रतिशत अर्थात् २३४४ ले मतदान गरेका छन् । जसमध्ये युरोपबाट ९२०, अफ्रिकाबाट १६, मिडलइष्टबाट ४७०, एशिया प्यासेफिकबाट ४६२, अमेरिकाबाट २६१, ओसिनियाबाट २१५ गरी २३४४ मत खसेको हो । कूल मतदाता २५७० जना रहेका थिए ।

४२ पद मध्ये १४ विभिन्न पद निर्विरोध भएका छन् । नयाँ नेतृत्वका लागी कुल आचार्य र कुमार पन्त को प्रतिस्पर्धा छन्
। यसैगरी महासचिवमा जानकी गुरुङ र डा हेमराज शर्माले उम्मेदवारी दर्ता गराएका छन् ।

‘म, मेरो एनआरएन र मेरो नेपाल’ भन्ने मूल नाराका साथ मङ्गलबारदेखि शुरु भएको सङ्घको नवौँ नेपाली विश्वसम्मेलन तथा अन्तर्राष्ट्रिय महाधिवेशनको उद्घाटन राष्ट्रपति विद्यादेवी भण्डारीले गरेकी थिइन् । शुक्रबार समापन समारोह हुने जनाइएको छ ।