मेक्सिकोमा एकजना पत्रकारको गोली हानी हत्या गरिएको छ । मेक्सिकोको क्विन्टाना रु राज्यको प्लाया डेल कारमेन शहरको पर्यटकीय क्षेत्रमा स्थानीय पत्रकार फ्रान्सिस्को रोमेरोको हत्या भएको हो ।
उनको शव गोली लागेको अवस्थामा एक बार अगाडि फेला परेको स्थानीय अधिकारीले जनाएका छन् ।
उनी अपराधसम्बन्धी रिपोर्टिङ गर्ने गरेको जनाइएको छ । यसअघि उनले आफू अपहरणमा परेको र आफ्नो ज्यान खतरामा रहेको भिडियो सामाजिक सञ्जालमा पोस्ट गरेका थिए ।
उनको हत्यामा कुन समूहको हात छ भन्ने हालसम्म स्पष्ट नभए पनि त्यहाँ लागूऔषध तस्कर ग्याङ्गका सदस्यहरुले पत्रकारहरुको हत्या गर्दै आएका छन् ।
मेक्सिको विश्वमै सबैभन्दा धेरै पत्रकारहरुको हत्या हुने मुलुकको सूचीमा आउने गरेको छ ।
प्रतिक्रिया