सान्टियागो– ल्याटिन अमेरिकी मुलुक चिलीमा सानो विमान दुर्घटना हुँदा ६ जनाको ज्यान गएको छ ।
राजधानी सान्टियागोबाट १ हजार किलोमिटर दक्षिणमा रहेको पुर्टोमोन्ट शहरमा भएको दुर्घटनामा मारिनेमा एक चालक दलका सदस्य र ५ यात्रु रहेको जनाइएको छ ।
दुर्घटनाग्रस्त विमान शहरको आवसीय क्षेत्रमा रहेको एक घरमा ठोक्किन पुगेको थियो । विमान ठोक्किएसँगै उक्त घरमा आगो लागेको थियो । पछि अग्निनियन्त्रकले आगलागी नियन्त्रणमा लिएका थिए ।
दुर्घटनापछि भएको आगलागीबाट घरभित्र रहेकी एक महिला घाइते भएको र उनलाई उपचारका लागि अस्पताल भर्ना गरिएको अधिकारीले जनाएका छन् ।
दुर्घटनाग्रस्त विमानको ब्ल्याकबक्स फेला परेको र दुर्घटनाको कारणबारे अनुसन्धान भइरहेको जनाइएको छ ।
प्रतिक्रिया