माली– पश्चिम अफ्रिकी मुलुक मालीमा बन्दुकधारीले सेनाको शिविरमा आक्रमण गर्दा कम्तीमा १६ सैनिकको मृत्यु भएको छ । मालीको मध्य भागमा रहेको मोप्टि क्षेत्रस्थित डिओउरा भन्ने स्थानमा बन्दुकधारीले सैनिक शिविरमा आक्रमण गरेका हुन् ।
आक्रमणपछि केही समय बन्दुकधारीले त्यस सैनिक शिविर आफ्नो नियन्त्रणमा लिएका थिए । आक्रमणका क्रममा बन्दुकधारीले सेनाका ५ सवारी समेत नष्ट गरेको स्थानीय अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।
आक्रमणमा कसको संलग्नता छ भन्ने स्पष्ट भइसकेको छैन । यद्यपि पछिल्ला केही वर्षयता मालीको उत्तरी तथा मध्य भागमा आतंकवादी संगठन अल कायदासम्बद्ध लडाकुहरु सक्रिय छन् ।
प्रतिक्रिया