काठमाडौं– वैदेशिक रोजगार विभागले अनलाइन प्रणाली इ स्टीकरमार्फत श्रम स्वीकृति वितरण गर्ने काम सुरु गरेको छ ।

विभागले मंसिर १ गतदेखि वैदेशिक रोजगारीमा जाने श्रमिकलाई इ स्टीकर उपलब्ध गराएको हो ।

आजदेखि वैदेशिक रोजारीमा जाने कामदारका हकमा अनिवार्य इ स्टीकरमार्फत श्रम स्वीकृति पाउने छन् ।

इ स्टिकर लागू गरेपछि बार्षिक २० लाखको हाराहारी रकम स्टीकर छपाइ गर्नमा खर्च हुने गरेकोमा सो रकम बचत हुने विभागका महानिर्देशक डा भीष्म कुमार भुषालले जानकारी दिए ।

आज वैदेशिक रोजगार कार्यालय ताहाचलमा नयाँ श्रम स्वीकृतिका लागि आवेदन दिएका सबैले इ स्टीकर प्राप्त गरेका छन्। पुनः श्रम स्वीकृतिवाला सबैले इ स्टीकर प्राप्त गर्नेछन् ।

वैदेशिक रोजगारीमा जाने कामदार इ स्टिकर लागू गरेपछि ठगि बाट जोगिन विभागमा विश्वास छ ।