काठमाडौं – साम्तेन भुटियाले निर्देशन गर्ने फिल्म ‘धुपौरे’ को चर्चा छ यतिबेला । यो फिल्ममा अनमोल केसी अनुबन्ध भएसँगै चर्चा शुरु भएको थियो । अनमोल पछिल्लो समयका डिमान्डेड अभिनेता पनि हुन् ।

हालै साम्तेनको उक्त फिल्ममा अर्का कलाकार प्रमोद अग्रहरीको पनि आगमन भएको छ । फिल्ममा प्रमोद अनमोलको अपोजिटमा देखिनेछन् । डार्क एक्सन लभस्टोरी भनिएको यो फिल्ममा नकारात्मक भूमिकामा प्रमोदलाई देख्न पाइने भएको हो ।

निर्माण टिमका अनुसार फिल्मको कथाअनुसार नै प्रमोदलाई लिइएको हो । टिमले छिट्टै नै नायिका को रहने भन्ने बारेमा जानकारी दिने जनाएको छ ।

फिल्ममा अनमोलले एक जुवाडेको भूमिका निभाउनेछन् । खबरका अनुसार उनले यतिबेला फिल्मका लागि तास खेल्न सिकिरहेका छन् ।