काठमाडौं– सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल (प्रचण्ड) ले इमान्दारिताका साथ विकास, निर्माणको काममा जुट्न पार्टी निकट निर्माण व्यवसायीहरुलाई आग्रह गरेका छन् ।

अध्यक्ष दाहालले जनता र राष्ट्रको पक्षमा विकास, निर्माणको कामलाई अघि बढाउने अवसर आएको उल्लेख गर्दै उक्त अवसर सदुपयोग गर्न निर्माण व्यवसायीहरुलाई सचेत गराए ।

काठमाडौंमा सोमबार आयोजित एक कार्यक्रममा बोल्दै उनले समयमै गुणस्तरीय काम नगर्ने निर्माण व्यवसायी कारवाहीको भागिदार हुने चेतावनी पनि दिए ।

अध्यक्ष दाहालले मुलुकमा निरंकुशता र अराजकतावादीहरुको कुनै स्थान नरहेको उल्लेख गर्दै सरकार र निर्माण व्यवसायीहरुले मिलेर मुलुक निर्माणको अभियानलाई तीव्रता दिनुपर्ने स्पष्ट पारे ।