इलाम– नेत्रविक्रम चन्द (विप्लव) समूहका इलाम जिल्ला सेक्रेटरी दिपेन राईले जेलबाटै सत्तारुढ दल नेपाल कम्युनिस्ट पार्टी (नेकपा) प्रवेश गरेको जनाकएका छन् । एक प्रेस विज्ञप्ति जारी गरी राईले विप्लव नेतृत्वको नेकपा परित्याग गर्दै सत्तापक्ष नेकपामा प्रवेश गरेको घोषणा गरेका हुन् ।
उनलाई गत चैत २० गते झापाको विर्तामोडबाट प्रहरीले पक्राउ गरेको थियो । जिल्ला अदालतको आदेशानुसार उनी हाल मुद्दाको पुर्पक्षका लागि इलामस्थित कारागारमा थुनामा छन् । जिल्ला अदालत इलामले उनलाई १ लाख ५५ हजार धरौटी माग गरेको थियो ।
राईले विप्लव नेतृत्वको नेकपा माओवादीले लिएको नीतिप्रति असहमति जनाउँदै उक्त पार्टीको साधारण सदस्यसमेत नरहने गरी पार्टीबाट अलग भएको घोषणा गरेका हुन् ।
प्रतिक्रिया