बाहुबली अभिनेता प्रभासको फिल्म ‘साहो’ रिलिजका क्रममा छ । यो फिल्ममा श्रद्धा कपूरको पनि शीर्ष भूमिका छ । यतिबेला भने प्रभास आफ्नो रिलेसनशीपका कारण चर्चा बटुलेका छन् । लामो समयदेखि बलिउडमा चर्चा छ कि, प्रभास र अनुष्का सेट्टी बिहे गर्दैछन् ।

अनुष्काले ‘बाहुबली’ मा पनि अभिनय गरेकी थिइन् । उनी दक्षिण भारतीय फिल्मकी चर्चित अभिनेत्री हुन् ।

यता यो खबरका बारेमा प्रभासले भने आफ्नो धारणा राखेका छन् । भारतीय मिडियाका अनुसार प्रभासले अनुष्कालाई एक साथीका रुपमा लिएको बताएका छन् । उनले भने, ‘हामी साथी मात्र हौँ, यदि हामीबीच केही हुन्थ्यो भने २ वर्षसम्म एकसाथ देखिने थिएनौँ?’

प्रभासले अगाडि भने, ‘मलाई यसअघि पनि प्रश्न गरिएको थियो, त्यतिबेला ‘बाहुबली’ का निर्देशकलाई नै यसको जवाफ दिन लगाएँ ।’

बाबुबली फिल्मपछि फ्यानले यो जोडीलाई खुबै रुचाएका छन् । यस्तो पनि खबर बाहिर आएको थियो कि, प्रभास र अनुष्काले अमेरिकाको लस एन्जल्समा घर किन्दैछन् ।

यसअघि प्रभासलाई बिहेका बारेमा प्रश्न सोधिँदा उनले निजी मामला भन्दै पन्छिएका थिए ।