काठमाडौं- सर्वोच्च अदालतले जन्मसिद्धका आधारमा नागरिकता लिएकाको सन्तानलाई बंशजको नागरिकता दिने गृह मन्त्रालयको निर्णयमाथि अंकशु लगाउने अन्तरिम आदेशलाई निरन्तरता दिननपर्ने आदेश गरेको छ ।

न्यायाधीहरु हरिकृष्ण कार्की र बमकुमार श्रेष्ठको ईजलाशले गृह मन्त्रालयले यसअघि गरेको परिपत्र अनुसार नागरिकता वितरण तत्कालका लागि रोक्न भन्दै न्यायाधीश पुरुषोत्तम भण्डारीको अन्तरिम आदेशलाई निरन्तरता दिनुनपर्ने आदेश गरेको हो ।

सर्वोच्चको आदेशपछि अब जन्मका आधारमा नागरिकता लिएकाका सन्तानहरुलाई बंशजको नागरिकता दिन बाटो खुलेको हो । गत भैत १९ गते गृह मन्त्रालयले जन्मसिद्धका आधारमा नागरिकताका लिएकाका सन्तानलाई बंशजको आधारमा नागरिकता दिन ७७ वटै जिल्ला प्रशासन कार्यलयहरुलाई परिपत्र गरेको थियो ।

तर मन्त्रालयको निर्णय कार्यान्वयन नगर्न माग गर्दै अधिवक्ता बालकृष्ण नेउपानेले रिट दायर गरेका थिए । रिटमाथि सुनुवाई गर्दै न्यायाधीश भण्डारीको एकल ईजलाशले दुबै पक्षलाई छलफलमा बोलाएको थियो ।