काठमाडौं- शहीद स्मारक ए डिभिजन लिगमा च्यासल युथ क्लबले विजयी सुरवात गरेको छ।

सोमबार लिगको पहिलो खेल दशरथ रंगशालामा च्यासल र संकटाबीचको खेल भएको थियो। जसमा च्यासलले संकटामाथि २-० गोलको जित हात पारे।

च्यासलका लागि लामो समयदेखि जापान बस्दै आएका सन्तोष साउखलले गरेका हुन् । उनले खेलको ४१ औं मिनेट र ८४ औं मिनेटमा गोल गरेका हुन्।

लक्ष्मण रुचालले ८० औ‍ं मिनेटमा केही मिनेटको अन्तरमा दुई पहेलो कार्ड भएपछि संकटा १० खेलाडीमा सिमित भएको थियो। लक्ष्मणले च्यासलका नितिन थापालाई फाउल गरेका थिए।

यो सिजनमा लक्ष्मणले खाएको रातो कार्ड पहिलो हो। च्यासलविरुद्व संकटाका सुभाष गुरुङले ७८ औं मिनेटमा पेनाल्टी क्षेत्रबाट गरेको प्रहार च्यमसलका गोल रक्षक एलेन न्यौपानेले बचाएका थिए।

संकटाविरुद्व दुई गोल गरेका सन्तोष साउखल जारी लिगको तीन खेल सकिँदा दुई गोल गर्ने पहिलो खेलाडी बने। २०७० को ए डिभिजन लिग पछि आज पहिलो पटक दशरथ रंगशालामा लिग भएको हो। ६ बर्षपछि रंगशालामा फर्किएको लिगले पहिलो खेलमा भने खासै दर्शकको साथ पाएन।