काठमाडौं – चलचित्र ‘सरौतो’ को ट्रेलर सार्वजनिक गरिएको छ । ट्रेलरमा सुमी मोक्तानलाई एक्सन अवतारमा देख्न सकिन्छ ।

राजधानीमा एक कार्यक्रमको आयोजना गरी चलचित्रको ट्रेलर सार्वजनिक गरिएको थियो । ट्रेलरमा माया, रोमान्स र एक्सन देखाइएको छ ।

चलचित्रको केन्द्रीय भूमिकामा सुमी मोक्तानलाई प्रस्तुत गरिएको छ ।

हरि मुमागाईंले निर्देशन गरेको यो चलचित्रमा लक्ष्मी कुमार तामाङको लगानी रहेको छ । यस्तै चलचित्रमा शंकर महर्जनको एक्नस निर्देशन देख्न सकिन्छ ।

कार्तिक २२ गतेबाट प्रदर्शनमा आउने यो चलचित्रमा सुमी मोक्तान, विजय लामा, युवराज लामा, अमिर गौतम, सम्पदा दाहाल, धिरेन शाक्य, मनोज तामाङ लगायतका कलाकारले अभिनय गरेका छन् ।

यो चलचित्रलाई निमेश श्रेष्ठले सम्पादन गरेका हुन् भने राघवकृष्ण गौतमले कथा, पटकथा र संवाद लेखेका हुन् ।