काठमाडौं–चिकित्साशास्त्र अध्ययन संस्थान (आएओएम)का डिन प्राडा जगदीश अग्रवाललाई एक विद्यार्थीले कालोमोसो दलेका छन् ।

न्यू टाइम्सका ‘पत्रकार हुँ’ भन्दै अन्तरवार्ताका लागि समय मागेर भेटेका एक व्यक्तिले डा अग्रवाललाई आइतवार दिउँसो सवा दुई बजेतिर कालोमोसो दलेर भागेका हुन् ।

समाचारका लागि कुराकानी गर्न भन्दै अग्रवाललाई आइओएम परिसरमा भेटेका ती व्यक्तिले केही समय कुराकानी गरेपछि कालोमोसो छ्यापेर भागे थिए ।

डा अग्रवाललाई मोसो छ्यापेर भाग्ने व्यक्ति फरार छन् । उनको खोजी कार्य भइरहेको प्रहरीले जनाएको छ ।

आइओएममा भर्ना प्रक्रियाको विषयलाई लिएर मेडिकल विद्यार्थीहरु आन्दोलित छन् ।

मेडिकल विद्यार्थीहरुले डा अग्रवालको कार्यकक्षामा दुईसातादेखि तालाबन्दी समेत गरेका छन् । कार्यकक्षमा विद्यार्थीले तालाबन्दी गरिदिएपछि डा अग्रवाल अन्य कोठामा बस्ने गरेका थिए ।