काठमाडौ‌ं – गाैरव पहारी र अनु शाह स्टारर फिल्म ‘पसिना’ को फर्स्ट लूक पोस्टर सार्वजनिक गरिएको छ । फस्ट लूकलाई नयाँ बर्षको अवसर पारेर सार्वजनिक गरिएको हो ।

केही दिनअघि टाइटल गीत सार्वजनिक गरेको निर्माण टिमले मजदुरको व्यथालाई समेटेर यो फिल्म बनाएको हो । फस्ट लूकमा गौरव पहाडी,अनु शाह र सरोज खनाललाई देखाइएको छ ।

आर. बि खत्री ‘शरद’ को निर्देशन रहेको फिल्ममा गौरव पहारी, अनु शाह,सरोज खनाल, सरोज अर्याल, रवि गिरी, ध्रुव कोइराला, शारदा गिरी, सुरजनी केसी लगायतका कलाकारले अभिनय गरेका छन् ।

यस्तै फिल्ममा राम केसीको छायांकन छ भने नविन निरौलाको सम्पादन रहेको छ । चलचित्रलाई समसामयिक कथामा निर्माण गरिएको बताइएको छ । फिल्ममा कथा आर.बी. खत्री ‘शरद’ को र लगानी शान्ता ढकालको छ ।

फिल्म वैशाख २७ गतेबाट प्रदर्शन हुँदैछ ।