काठमाडौं – झरना थापा निर्देशित फिल्म ‘ए मेरो हजुर ३’ को रोमान्टिक गीत सार्वजनिक गरिएको छ । गीतको भिडियोलाई बुढासुब्बा डिजिटलको युट्युबमा च्यानलमार्फत सार्वजनिक गरिएको हो ।

‘जिन्दगी नै भन्दिन’ बोलको गीतमा सुगम पोखरेल र प्रविशा अधिकारीको स्वर छ भने एक नारायण भण्डारीका शब्द छन् । यस्तै गीतमा आकाश अविरलको संगीत र एचबीएन किस्मतको संगीतको मिक्सिङ छ ।

गीतको भिडियोमा युवापुस्तामाझ लोकप्रिय कलाकार अनमोल केसी र निर्देशक थापाकी छोरी सुहाना थापाको जोडी देख्न सकिन्छ ।

भिडियोमा अनमोल र सुहानाको जोडी सुहाएको देखिन्छ । यो फिल्म सुहानाका लागि डेब्यु फिल्म हो । फ्यानले गीत रिलिज हुनासाथ अनमोल र सुहानाको जोडी सुहाएको प्रतिक्रिया दिएका छन् ।

सुनील कुमार थापाले निर्माण गरेको यो फिल्म नयाँ वर्षको मौका पारेर चैत्र २९ गते रिलिज हुँदैछ ।