काठमाडौं– गाडी उत्पादन कम्पनीहरुबीच विद्युतीय गाडी उत्पादनमा उत्साहजनक होडबाजी देखिएको छ ।

परिणामस्वरुप सन् २०२६ सम्म २ करोड ४६ लाख भन्दा बढी विद्युतीय गाडीको संख्या पुग्ने अुनमान गरिएको छ ।

फर्च्यून विजनेस इन्साइट्सले गरेको अनुसन्धान अनुसार सन् २०२६ सम्ममा विश्वभर विद्युतीय गाडीको संख्या झण्डै साढे २ करोड पुग्नेछ ।

उक्त अनुसन्धान अनुसार सन् २०१९ देखि २०२६ को बीचमा गाडीको उत्पादनमा ३२.३ प्रतिशतले बृद्धि हुनेछ । कुन क्षेत्रमा कति विद्युतीय गाडी उत्पादन हुनेछन भन्ने त्यस क्षेत्रले अपनाएको कार्बन इमिसन नियमले प्रभाव पार्नेछ ।

युरोपले सन् २०२६ सम्ममा कार्वन इमिसन १५ प्रतिशतले घटाउने योजना बनाएको छ । युरो–६ स्ट्याण्डर्ड जस्तै भारतले अपनाएको विएस–६ स्ट्याण्डर्ड सन् २०२० को अप्रिलदेखि प्रयोगमा आउनेछ ।

त्यसैगरी सन् २०२० देखि चीनले पनि चाइना–६ स्टयाण्डर्ड लागू गर्ने तयारी गरेको छ । अनुसन्धानले देखाए अनुसार युरोपमा सर्वाधिक विद्युतीय गाडी उत्पादन हुने देखिएको छ भने एशियाली मुलुकहरुमा पनि ठूलो मात्रामा विद्युतीय गाडी उत्पादन गरिनेछन् ।